جدو تايوانى

دائما ما يرتبط الجد بالأتزان والحكمة والقدوة ولكن فى مصر ظهر جد أخر ... وسوف أذكر لكم أمثلة لهذا الجد
1- مش مهم التعليم ولا الثقافة ولا الدراية المهم تبقى أحتياطى ولما تنزل لازم تجيب جول ..... تبقى أنت أكيد جدو
2-
مش مهم الولاء ولا التركيز فى المهمة اللى أنت مكلف بيها المهم تعرف تزوغ
من معسكر منتخب بلدك المغلق وتفكر فى نفسك فقط وقبل صلاة الفجر تروح تبيع
ناديك اللى عملك وعمل اللى ..... تبقى انت أكيد جدو
جدو تايوانى Gedo

3- مش مهم تقرأ انت بتمضى على أيه ومفيش مانع تمضى على بياض وانت
بتقبض الفلوس وده طبعا مش منتهى الثقة فى الطرف الأخر ولكن ده مبدأ أسمه
ناولنى بس على الفكة ويا فكيك ...... تبقى انت أكيد جدو
4- مفيش
مانع تطلع أمام الرأى العام والرأى الخاص وتحلف وتنكر وتستغرب الأدعائات
على أساس أنك بتكدب كدبة بمبى ولما تتكشف الكدبة مفيش مانع تطلع برضه
بعدها بيومين وتكدب كدبك ...... تبقى أنت أكيد جدو
5- مفيش مانع
تعيد تمثيل فيلم ياسمين وتتقمص دور قطقوطة وتمثل مع رئيس ناديك اللى أنت
بعته وبعت جمهوره وسلكت طرق غير شرعية وعملت أنك لا بعت ولا أشتريت وللأسف
يكون هو أنور وجدى خدك زى قطقوطة ولفيت على جميع الفضائيات وكان ناقص كمان
تغنى اغنية معانا ريال معانا ريال بس عايزين كمان .... تبقى أنت أكيد جدو
6-
ولما تقنع الرأى العام بأن العقم التهديفى الذى أصابك بعد البطولة كان
سببه أن المدرب كان ينزلك من أول المباراة وأنت تخصص الدقيقة 65 وانت طالع
...... تبقى أنت أكيد جدو
7- ولما تبيع النادى اللى أنت أشتريته
وانت بتبيع ناديك الأصلى وتروح لنادى تانى وتمضى فى خلال 6 أشهر على 3
عقود لثلاثة أندية مختلفة وتبقى فرحان نفس الفرحة فى كل أمضاء "زى مكان
حسن فرحان لما كان بيكتب كتابه على نعيمة " امضاء بيع الفجر وتقبض 800 على
جنية وعلى معسكر الكشافة فرحان , امضاء الرجوع لناديك الأصلى فرحان ,
امضاء البيع التانى لسة فرحان والمقولة الشهيرة لجمهور كل نادى أخيرا تحقق
حلم حياتى ولما الحلم يروح بعد ماتصحى من النوم ...... تبقى أنت أكيد جدو
8-
لما تطلع فى أعلانات مختلفة زيك زى ميسى كنتاكى بالظبط وأنت كل مؤهلاتك
نزلت جبت كام جول ولكن يوجد مؤهلات أخرى مثل الكدب الفوشيا , ولاء اليوم
الواحد , الامضاء على طريقة امضى قيس لا صوت يعلو فوق صوت الشموع " الفلوس
" ..... تبقى أنت أكيد جدو
- رسالة أوجهها الى مدارس الكرة فى
الأندية والأكاديميات الخاصة والبراعم والناشئين وأنتو بتعلموا الأطفال
الشوت والباص والجرى وأستلام الكرة لابد من تعليمهم الألتزام والأنتماء
والولاء والوفاء بالوعد وأحترام الأتفاقات والعقود والعفة والخجل عند
أرتكاب أى مخالفة ثم الأعتذار والعودة الى الطريق الصحيح لأن هذه الصفات
لابد أن تكون فى اللاعب المصرى لانه مثله مثل السفير المصرى أو المنتج
المصرى فى دول مختلفة وسلوك اللاعب داخل وخارج المستطيل الأخضر محسوب لنا
وعلينا ولابد أن نقضى على هذه الصفات السيئة ولابد أن تختفى نظرية الحمام
الزاجل وهى نظرية خاصة باللاعب المصرى فقط لأنه حين يحترف يفكر فى العودة
قبل ما يسافر يعنى بيفكر يرجع قبل مايروح أذن نحن لا نحتاج هذا الجد لأننا
كما تربينا لابد أن يكون الجد قدوة لأجيال قادمة جد بسيط , متزن , صادق
,جد أصيل, جد أصلى..... مش جد تايوانى

بقلم دكتور عمرو عبد الحق

مش تقولنا مين كاتب هذا المقال يا حودة

دكتور عمرو عبد الحق

ايوة كدة يا راجل

وضحلنا شوية

انا افتكرتك انت اللى كاتب