صلاح ادريس
نصراوى فعال
عدد الرسائل : 106
العمر : 69
الموقع : دهب ـ جنوب سيناء ـ مصر
نشاط العضو :
الدولة : 
السٌّمعَة : 3
نقاط : 200
تاريخ التسجيل : 10/07/2010
 |  موضوع: 3 خرفان  السبت 31 يوليو - 22:02:21 | |
|
التاريــــــــخ :- الأحد 1 أغسطس 2010
أسم الموضوع :- 3 خرفان .
أسم الكاتــــب :- الشاعر / هشام الجــخ .
التصنيـــــــــف :- شعــــــــر
التعريف بالكاتب:- اسمه الحقيقى هشام كامل عباس الجخ
من اسره صعيدية من اصل قناوى ـــــ
عمره 32 سنه ــ مسؤول عن المركز الثقافى
فى جامعه عين شمس ــ بالقاهرة
من أشهر أعماله الشعرية :-
* ايزيس
* جحا
24 * شارع حجازى
* ايوه بغير
* اباتشى
* مش كفايه
********************
أهلى وناسى وأصدقائى الأعزاء ..
كعادتنا بين الحين والآخر نلقى الضوء على الأدباء والشعراء الشباب .. لأننى مؤمن إيمانا تاما .. بأن الشباب هم وقود الأمة .. هم مفكريها .. وعلماءها .. وأدباءها .. هم قادة المستقبل .. بل هم المستقبل ذاته .. ومن هؤلاء الشباب أقدم لكم شاب صعيدى جدع .. من شباب الشعراء .. حفر أسمه فى الصخر .. فأشتهر بين أربابه من الشباب بتلقائيته .. وشعره البسيط المعبر عن حالهم .. جذبهم اليه لهجته الصعيدية .. وطريقة إلقاؤه لشعره .. هو نجم من نجوم ( ساقية الصاوى الثقافية ) بالقاهرة .. يسارع اليه الشباب ليستمتعوا بإلقاؤه الشعرى الجميل .. وأنت ياصديقى العزيز لو أردت أن تشاهد إلقاء هذا الشاعر الصعيدى الجميل ( هشام الجخ ) ماعليك سوى التوجه للفيس بوك .. وأكتب أسمه بالعربى أو بالأنجليزى .. وستطالعك صفحته على الموقع .. ويمكنك من خلالها الأستمتاع بشعره .. كلمة وآداء .. وهشام الجخ ( بتعطيش الجيم ) هو إبن قنا .. وعاش وتربى فى سوهاج .. وفى الحالتين هو صعيدى حتى النخاع .. ويطلقون عليه ( الأبنودى الجديد ) .. ولكنى أعترض على ذلك .. فالأبنودى واحد لن يتكرر .. كما أن هشام الجخ قد لا يتكرر أيضا .. وهاأنا أنشر عليكم إحدى قصائده التى أعجبتنى بعنوان ( 3 خرفان ) .. وفى المرة القادمة سأنشر عليكم قصيدة عاطفية للشاعر هشام الجخ .. وتذكروا هذا الأسم جيدا .. لأنه وضع قدميه على أول السلم .. وأتوقع له صعودا سريعا بإذن الله
*************
3 خرفان
ـــــــــــــ
ودي حكاية وكان يا ما كان ..
ولا يحلالي اي كلام ..
الا بذكر النبي الهمام ..
عليه الصلاة والسلام
***
3 خرفان
ومعزاية
وشجراية
وبير بترول
وديب فجعان
***
3 خرفان ما يتاكلوش في يوم واحد
ما يتهضموش
***
راح للخروف
اتخن خروف
قال ياخروف ؟؟؟
عيال اخوك متنعنعين ومتنغنغين
وانت هنا في اسوأ ظروف ؟؟
يادي الكسوف !!
راح الخروف
علشان خروف
ضربالخروف
الديب حيسكت ؟؟؟؟؟؟؟؟؟؟؟
راح للخروف
تالت خروف
شفت الخروف ؟؟!!
ضرب الخروف
احميك انا
وابات معاك في الدار هنا
واديني بس انت مكان
راح الخروف
علشان خروف
إدّاه مكان
***
يوماً سنقراُ في الجريدةِ يا بلادي انّنا كنا خرافْ
سيجفُ هذا النفطُ فوقَ جلودِنا
ونودّعُ السبعَ السِمانَ ونلتقي ألفاً عِجَافْ
سيُدَوِّنَ التاريخُ اسماءَ الملوكِ العادلينَ
الصابرينَ
الساكتينَ
الكاتمينَ الصوتَ بينَ شعوبِهم .. مثلَ الزرافْ
سيحاكمُ التاريخُ حكامَ العروبةِ كلِّها
وسينزعُ الاظفار َ منهم في سبيلِ الاعترافْ
إني احبك يا بلادي مرغما
واقول شعرا يابلادي مرغما
والشعر إن مسَّ السياسةَ يستحيلُ مصائبا
والشعر إن مسَّ الصعيديينَ مثلي
يستحيل كحدِّ سيفٍ لا يخافْ
انا لا اخافْ
***
من كام سنة بِنْهِشّ بإدينا الفيران؟؟؟
ونقول ما ندَّخلش في امور الجيران !!!
من كام راسمين رجولتنا ادب
ناقشين إدينا نقش حنة
وقلنا سنة
ورمينا من إيدنا سلاحنا وقلنا هدنة
وبلدنا بِكْر بتُغتصب
يِعلاَ صوتها غصب عنها نِتْهِمْهَا بالشَغَب !!
يا بلاد ماليها الاَّ العجب
يا ( معرَّمين ) شعر وادب
هي الرجولة تتوزن وقت الغضب غير بالغضب ؟؟؟
هو اللي متَاخد غَصَب مش برضه يتاخد غصَب ؟؟
يا بلاد ماليها الا العجب
يا ( مغرمين ) شعر وادب
الوزن هو اللي اختلف ولا الميزان اللي اتقلب ؟
من كام سنة بنسأل "بهية" مين قتل
واحنا اللي قاتلينه بإدينا !!
مدِّينا إيدنا للغريب وف بعض عضِّينا وعَادِينا
مين اللي ظالم في الحكاية .. ومين جبان ؟
مانلومش ع الديب اللي خان
احنا اللي خرفان بالوراثة
الصبر وارثينه وراثة
والطاعة وارثينها وراثة
والـــ ... وارثينه وراثة
وحاجات كتيرة مش وراثة
احنا خدناها وراثة
***
انا كل ما اتذكر تحية العلم يسرح خيالي
كان صوتي لسه عيالي .. بس عالي
كنت احسّ اني بهزّ المدرسة
كان العلم من فرحته يرقص على الساري شايله
طب كنتو ليه بتعلمونا نحفظ البرّ وجمايله
طب كنتو ليه بتعلمونا نكره الظلم وعمايله
لمّـا انتو ناويين تسجنونا في ارضنا
كان ايه لزوم العلم .. وهمومه .. ورزايله
طب كنتو سبتونا بهايم كنا نِمْنَــا مرتاحين
ازاي ابيع ارضي وعارف ان جسمي اصله طين
طب كنتو علمتونا مثلا اننا من اصل تركي
او اوروبي
ان جسمنا اصله حلاوة او مِلَبَّس
اشمعنى طين ؟؟؟
طب ولما الطين يروح .. ايه اللي فاضل ؟؟
ولمين نغني ونفدِي روح ؟؟ ولمين نناضل ؟؟؟؟
ولمين اعود واشتاق واحب واغير واكافح ؟؟
ولمين اغني واقول ( بحبك يا بلد) والحب طافح ؟؟
***
لاموا عليَّا الناس
عايزيني اقول اشعار في "محمد الدرة"
مش قايل !!!
ما انا لما قلت زمان يا بلادي يا ( رحبة)
قالوا ده واد سافل !!
واللي اتلَوِتْ مني واللي اتقَمَص مِنِّي
ونزلت عنيهم م الخجل في الارض
وبَهْدَلُوني وحَدَّفوني لبعض
وقالوا برضك عيب .. القاعة فيها بنات !!!!
طب يعني وفلسطين مش برضه فيها بنات ؟؟
والله دي فلسطين نسوانها رجالة
هما اللي عمَّالة واحنا اللي قوَّالة
عندينا تِبْقَى الست وَلَدها طول الباب وتخاف يروح مشوار
وهناك حريم من غَضَب
شايفين عيالهم دهب
وعشان ما يلمع زيادة لازم يدوق النار
وتقولوا اقول اشعار !!!!!!!!!
مش قايل
***
هما 3 كلمات
نعم .. اكيد .. طبعا ..
وطول ما فيه جُبَنَا .. فرعون بيتفَرْعَن
والشعر اصله جبان
اللي يقوله جبان
واللي يعيده جبان
قولنا بلاش نكتب والحرب اولى بْنا
قالوا حرام والنبي خلُّولْنا اولادنا
خايفين على ولادهم م الجنة ونعيمها
شوفتوش خيابة و همّ
الاسم رجالة والاسم عندنا دم
دي ام موسى (المرة)
خافت على ولدها .. رمته في قلب اليم
واحنا ( بنتسولق ) وبنتشوي قرارات
تطلع قراراتنا صورة جماعية على صفحة الجُرنان
يا ما اشجع الفرسان
وتقولوا اقول اشعار .. مش قايل
***
همست في وِدْني ( بَحِبَّك) ..
كان جسمها مفرود والخمرة عامياني
وبياض إديها كان بيزعق لما تعدل شعرها
الواد بيعرج م الرصاصة اللي في رِجْلُه
شدِّت حزام الروب
وبانت زي شيء معرفش شعري يوصفه..
كانوا العساكر قربوا
والواد متبت ع الحجارة اللي ف إديه
مدّت إديها وقَّفِت كل الساعات
صوت الكاسيت نبَّهني اني ف شقتي
كانواالعساكر قربوا
بيقربوا بيقربوا
والواد متَبِّت ع الحجارة اللي ف إديه
وَقَعِت قزازة البيرة من إيدي على طرف السرير
الواد صرخ في مخبأه
فاتلفتت قلقانة خايفة لاتجرح
جريت على الصوت العساكر
وابتدى صوت الرصاص يملا الجبل
دوَّرت عندي في الدولاب على حاجة تنفع لجل
تِتْحَزَّم لي بيها
ماالتقيت غير شال اخويا اللي اتقتل تحت الجبل
كان برضه يعرج لما يمشي من الرصاصة اللي في رجله
وكان متبت عالحجارة اللي ف اديه
مين اللي خانك يا وطن؟؟؟؟؟؟؟؟؟؟؟؟؟؟؟؟؟؟؟؟؟
قلعت حَلَقْها لما عَوَّرني ف رقبتي
وحطته جنب السرير
نامت على الارض العساكر لجل تسمع دَبِّة الواد اللي لسة مستخبي
اتكسف صخر الجبل من وقفته
هيَّج رماله ع العساكر
سامحيني ياوحدك
مقدرش اعيش هارب
انعس في حضنك كيف
والرملة في الصحرا واقفة وبتحارب
***
أعطوني عاما تقريبا لأجيدَ اللغةَ العبريةْ ..
فالجاري في وطني هذا ..
أخجلني صدقا أن أكتبَ شعرا باللغةِ العربيةْ
******************************
الله .. الله عليك ولد .. شاعر حقيقى والكلام طالع من قلبه .. واللى يطلع من القلب .. يخش على طول للقلب .. بعد ماخلصت القصيدة دى لقيت نفسى لسه جعان .. ومحتاج أقرأ قصيدة تانية للشاعر هشام الجخ .. ولقيتنى بأقرأ كل قصايده اللى مزينة ملفاتى .. وقلت أنشر عليكم قصيدة كمان .. لكن أفتكرت أنى وعدتكم ماأكترش الكلام .. وقلت ياواد خلى البقية .. ليوم جاى .. وماأكتر الأيام .. فأنتظرونى .
أختيــار وتعليـــق
صـــلاح إدريـــــس
[/size][/center] | |
|
Mr:MeMo
المدير الفنى (مؤسس المنتدى)
عدد الرسائل : 1464
العمر : 33
رقم العضوية : 2
نشاط العضو :
الدولة :
السٌّمعَة : 21
نقاط : 2204
تاريخ التسجيل : 01/09/2007
| | موضوع: رد: 3 خرفان الأحد 1 أغسطس - 12:09:39 | |
| فعلا كلام طالع من القلب بجد جميله اووووووى رائعه وهى دى قصه منطقة الشرق الاوسط لا لا مش قصدى لحسن نروح فى داهيه تسلم ايدك ومنتظرين البقيه اخى  | |
|
ahmed_abouzid
مشرف منتدى اعضاء نادى النصر
عدد الرسائل : 2216
العمر : 50
رقم العضوية : 143
نشاط العضو :
الدولة :
السٌّمعَة : 21
نقاط : 2537
تاريخ التسجيل : 21/01/2009
| | موضوع: رد: 3 خرفان الأحد 1 أغسطس - 20:14:31 | |
| الله عليك يا استاذ صلاح
ربنا يباركلنا فى حضرتك | |
|
صلاح ادريس
نصراوى فعال
عدد الرسائل : 106
العمر : 69
الموقع : دهب ـ جنوب سيناء ـ مصر
نشاط العضو :
الدولة :
السٌّمعَة : 3
نقاط : 200
تاريخ التسجيل : 10/07/2010
| | موضوع: رد: 3 خرفان الإثنين 2 أغسطس - 12:58:05 | |
|
مستر ميمو ..
أحمد أبوزيد ..
شكرا لكريم مروركما .. ودوام تواصلكما ياصديّقى العزيزين .. دمتما لى ولأسرتيكما بكل خير .. وواصلا لنتواصل .
| |
|
mona kabara
رئيس التحرير
عدد الرسائل : 3619
العمر : 109
رقم العضوية : 40
نشاط العضو :
الدولة :
السٌّمعَة : 38
نقاط : 4053
تاريخ التسجيل : 08/03/2008
| | موضوع: رد: 3 خرفان الأحد 8 أغسطس - 21:52:51 | |
|
اختيار رائع أستاذى العزيز صلاح
شاعر جميل موهوب حقاً ..يتلألأ مستقبله أمامه بإذن الله
فكلماته كاللولي المرصوص
تدخل القلب على طول كما ذكرت
خرجنا من القصيدة عطشى فعلاً لقراءة قصيدة أخرى للجخ
فتمنياتنا بأن يكون هناك أجزاء أخرى لهذا المقال
لنتمتع بجميل قصائده..
خالص تحياتي وعظيم تقديرى ..
وفي انتظار الجديد بإذن الله ..
| |
|
صلاح ادريس
نصراوى فعال
عدد الرسائل : 106
العمر : 69
الموقع : دهب ـ جنوب سيناء ـ مصر
نشاط العضو :
الدولة :
السٌّمعَة : 3
نقاط : 200
تاريخ التسجيل : 10/07/2010
| | موضوع: رد: 3 خرفان الإثنين 9 أغسطس - 18:19:52 | |
|
منى كبارة ..
شكرا لكريم مرورك ياصديقتى العزيزة .. وبالفعل هناك قصائد أخرى لهشام الجخ سأنشرها عليكم هنا .. دمت لى ولأسرتك بكل خير .. وواصلى لنتواصل .
| |
|
