مطلب عضو جديد2

[b]السلام عليكم و رحمة الله وبركاته أخوانى لى مطلب اعتقد بانه مطلب عادل و هو تفعيل قانون منع التدخين بالنادى فأن كنا نريد الرقى و الازدهار و نتطلع الى الافضل لنا و لأبنائنا فلابد لنا من ان ندعم و نُأصل فى ابنائنا كيفية احترام الاخريين و حق الاخر فى الاستمتاع على الاقل بالهواء الطلق و الشعور باننا فى نادى رياضى و ليس مقهى (لا اقصد التجريح اللفظى) و ان كان لابد من ان يكون للمدخن حق فى الاستمتاع بان يؤذى نفسه فانى اطلب من ادارة النادى ان تحدد منطقة خاصة بالمدخنين بعيدة عن الاماكن التى يرتادها الاطفال و كبار السن و بذلك تستطيع الادارة من خلال الامن تفعيل قانون منع التدخين فى ارجاء النادى على الاقل باستثناء منطقة المدخنين و اشكركم و أرجو المعذرة للاطالة

[b][u]حاجة غريبة الناس بتدخل تقرأ و تخرج حتى بدون كلمة من شهر سبتمبر 2010 حتى يناير 2011 مفيش حد عايز يقول رايه ؟؟؟؟؟؟
و بنستغرب على سلبيتنا اللى بنشوفها كل يوم فى معنى كلمة و انا مالى ؟؟؟؟؟؟؟؟؟؟؟؟؟؟
اعلمتم لما لا نتقدم للامام اعلمتم سبب ان العالم يتحرك و نحن محلك سر بسبب سلبيتنا
و السلام عليكم و رحمة الله و بركاته

والله العظيم يا اخ ياسر انا مش ضد التدخين وبس انا ضد حاجات كتير لها سلبيتها بنادى ومش عاوزة افتح موضيع انا ضد التدخين وضد القطط وضد الشباب اللى جلسين فى الطرقات بس الدكتور عمرو هيعمل اية ولا اية اصلها دى سلبيات فى التربية طب هو هيربى شباب ولا هيشوف امور النادى اللى مش بتنتهى يعنى الله يكون بعونة السلبيات دى من البيت يعنى مش حاجة مكتسبة من النادى بس اللى ممكن اقوله ان ربنا يقدر الدكتور على ادارة شئون النادى والله المستعان

السلام عليكم
انا موافقة ان يكون هناك مكان خاص للاعضاء المدخنين كل المطلوب اعلان كبير يعرف
المكان وانا واثقة فى اعضاء النادى لانهم محترمين جدا

[b]انا اقترح ان يكون مكان التدخين بره النادى

السلام عليكم ورحمة اللة انا موافق على منع التدخين نهائيا فى النادى مع العلم انى مدخن ولكن يوجد سلبيات اخرة مثلا -يوجد بعض الموظفين تخرج منهم الفاظ ميصحش تكون داخل النادى مثل الشخص الموجود فى كافيتريا عند ملعب الاكرة الطائرةاسلوب ومعاكسة فى الخباسة للنساء المصاحبين لاولادهم -والشخص اللى موجود فى مكان بيع لبس كرة القدم للاطفال اسلوبة مستفذ وكانو بياع واقف بيبيع على الرصيف فى العتبة مشناقصة غير انة يضرب العضو
فارجو متابعة اسلوب كل من يعمل فى النادى كبيرا وصغيرا حتى نرتقى بمستوى النادى

كلامك والله صح يا اخ فارس بس مش هقول الا حسبنا الله ونعمة الوكيل واطلب من كل اخت اذيت فى النادى من اى شخص ان تدخل المنتدى وتكتب ونتجمع بيوم وندخل للدكتور عمرو ويشوف احنا فى نادى يحكمه امن محترم يخاف على العضوات من كل من يتجرء عليهم وعلى اهانتهم ولا الموضوع هيكون فى كلام اخر عشان انت مش اول واحد تشتكى من الموظفين اللى فى النادى اللى بيعكسو النساء ويستفزوهم ياريت يعرفو ان النساء اللى فى النادى امهات يعنى ياريت تتعامل منهم على انها امهم هل يقبلو ان يحصل كدة مع امهم ولا مفيش نخوة ولا رجولة فى الزمن دا انا بعتب على التربية من البيت وياريت الدكتور عمرو يعرف ان النادى به شلال من الشباب اللى مش محترم ياريت يا دكتور عمر تعرف انهم بيسئو للنادى وكم من اعضاء تركت النادى خوفا على سمعتهم وعلى بناتهم من تلك الفئة الضلة

اقترح تجميع كل الملاحظات و نطلب لقاء مفتوح مع الدكتور عمرو عبد الحق و سرد تلك الملاحظات فقد سبق و عقدنا معه عدة لقاءات و تم خلالها التنسيق لتصحيح مسار ادارة النادى

فقط نتفق على تجميع هذه الملاحظات و نضع توقيت مقترح لهذا اللقاء لان من حقنا كاعضاء النادى ان نستمتع بنادينا بشكل مريح و مهذب و ان نتخلص فورا ممن يسىء للنادى او يتعامل مع اعضاؤه بشكل غير مقبول

و انا شخصيا لى تجربه ان شاهدت احد البائعين فى هذا السوق الملعون يتعامل بشكل غير محترم مع نساء النادى و لم اتوانى حتى تم طرده من النادى و عدم التعاقد معه مره اخرى و منعه من دخول النادى
بمعنى ان المطلوب هو الايجابيه و سنتصدى جميعا لهذا التسيب لانه يمس سمعة النادى و اعضاؤه

خالص التحيه و التقدير

[/b]انا بشكر كل من شارك بالتعليق على اقتراحى سواء بموافقته او باقتراح جديد و على فكرة انا كده تقريبا اتممت سنة على اشتراكى بالنادى و بصراحة و بدون مواربة او تذويق للكلام ان بجد حاسس بانى ارتكبت حماقة باشتراكى فى النادى بجد لو كنت دخلت المنتدى ده قبل اشتراكى كنت تراجعت على الفور ........لكن قدر الله ماشاء فعل

الى الاخ ياسر كل عام وانت بخير اية اللى مش عجبك بالنادى ياريت توضح لنا

النادى وان كان فيه سلبيات ففيه ايجابيات كتير وإنشاء الله نقضى على السلبيات كلها طالما زى ما قال الاستاذ/ احمد ابوزيد انه يوجد اعضاء قلبهم على النادى مثلنا جميعا وطالما جميعا متفقين على مبدأ واحد وتحت قيادة د. عمرو انشاء الله