اعرفي عريسك من طريقة اكله

1- إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في عواطفه وقراراته، ويبقى ده آخر الرجال المحترمين..
كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما يقول لك ازيك، يقول لك ريحة التقلية تجنن ياروحي، إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟؟

3- أما إذا كان مش مهتم بالمرة.. لايقولك ده حلو ولا ده مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان
يبقى إنسان مالوش لزمة.. وزي قلته.. وأنصحك بدل ما تتجوزيه إتبنيه.. وهاتعيشي إنتي الراجل والست فى وقت واحد واعملي حسابك هاتركبي وتدلدلي رجليكي.

4- أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من على الأكل قبل أي حد تاني، يبقى متسرع .. ومتهور في اتخاذ قراراته وممكن بعد الجواااز يكتشف إنك لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة.. إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. فى كل صنف لوحده.. ويسأل عن كل صنف إيه مقاديره ومعمول إزاااي ويقعد يستطعم فى الأكل من العصر للمغرب ، حاسبي منه ده النوع اللي له مخ.. وبيوزن الأمور بطريقه تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟
نظااااام شلل رعاش
بدري.... بدري....إخلعي يا منه...

6- أما إذا كان بيقعد يقطع ف الأكل زي مايكون ف خناقة ويخبط في الطبق من الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي في راسك أو بالسكينة في عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. معلهش"
""معلهش؟!!!!!!!! ... برَّه يا حبيبي وخد الباب ف أيدك""

هههههههههههههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة] ..عقدت البنات من الجواز يا أحمد ..
[ندعوك للتسجيل في المنتدى أو التعريف بنفسك لمعاينة هذه الصورة]

يـا رب كـل الـبـنـات تـتـجـوز!!!!!!
طبعا الموضوع فيه مبالغة لا تخلو من المنطق