ElnasrClubForum
أهلا وسهلا بك زائرنا الكريم,
أنت لم تقم بتسجيل الدخول بعد!
يشرفنا أن تقوم بالدخول أو التسجيل
إذا رغبت بالمشاركة في المنتدى


منتدي خاص باعضاء نادي النصر المصري
 
الرئيسيةالبوابةس .و .جبحـثالتسجيلدخول

المواضيع الأخيرة
» المجموعه المصريه لتدريب المحاسبين
السبت 14 فبراير - 11:16:46 من طرف egaa abasya

» وقاحة فتاة
الأحد 18 أغسطس - 12:01:01 من طرف pop.hassan

» منحة بي سمارت لتدريب المحاسبين لدفعة 2013
الإثنين 29 يوليو - 12:19:11 من طرف جوجسمارت

» تعليم الكاراتيه بالفيديو المباشر هدية لابنائنا
الجمعة 14 يونيو - 18:07:26 من طرف منى

» هوا عادى ادخل بحيوانات داخل النادى؟؟؟
الثلاثاء 28 مايو - 23:35:58 من طرف xkhaledxmm

» مجموعة ستائر رووووووعه
الإثنين 27 مايو - 4:19:23 من طرف ساجده لله

» كل شئ عن طلاء الحوائط
الأحد 31 مارس - 17:43:11 من طرف بنت مصر

» موضوع هام : عزبة ماما
الأربعاء 30 يناير - 22:47:47 من طرف عابر سبيل

» ادخل بسرعة!! انت لسة بتفكر ادخل بسرعة!!
الأربعاء 26 ديسمبر - 17:50:52 من طرف mohamed saleh

أفضل 10 فاتحي مواضيع
mona kabara
 
ahmed_ays22
 
abo mody
 
مصطفى ابو النجا
 
Mr:MeMo
 
ahmed_abouzid
 
anozae
 
رورا
 
yahia alzamalkwy
 
opra
 
أفضل 10 أعضاء في هذا المنتدى
mona kabara
 
ahmed_abouzid
 
abo mody
 
مصطفى ابو النجا
 
Mr:MeMo
 
Hosam Ibrahim
 
TITO
 
ahmed_ays22
 
hema
 
opra
 
أفضل 10 أعضاء في هذا الشهر

شاطر | 
 

 الفرق بين شباب زمان وشباب دلوقتى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رورا
نصراوى برونزى
نصراوى برونزى
avatar

عدد الرسائل : 587
العمر : 35
نشاط العضو :
80 / 10080 / 100

الدولة :
السٌّمعَة : 5
نقاط : 971
تاريخ التسجيل : 26/06/2009

مُساهمةموضوع: الفرق بين شباب زمان وشباب دلوقتى    السبت 20 نوفمبر - 18:37:08

البنت لما حد يسألها..إنتى مخطوبة؟


زمان:- لسه ربنا مأذنش,وعينها فى الأرض ووشها يحمر [ندعوك للتسجيل في المنتدى أو التعريف بنفسك لمعاينة هذه الصورة].
دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت [ندعوك للتسجيل في المنتدى أو التعريف بنفسك لمعاينة هذه الصورة]






الولد داخل على باباه ياخد مصروف الاسبوع


زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.


دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني عايز الفلوووووووس...المونيـــــ� �ـــــــــــــــــــــــ ــى [ندعوك للتسجيل في المنتدى أو التعريف بنفسك لمعاينة هذه الصورة]





خروج الولد وموعد رجوعه البيت



زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.


دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى
معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه[ندعوك للتسجيل في المنتدى أو التعريف بنفسك لمعاينة هذه الصورة]






دخول الاب البيت


زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه.



دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب)
الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا[ندعوك للتسجيل في المنتدى أو التعريف بنفسك لمعاينة هذه الصورة].




*نزول الولد لشراء احتياجات البيت



زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!



دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد. :zakia: يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!![ندعوك للتسجيل في المنتدى أو التعريف بنفسك لمعاينة هذه الصورة]





*نزول المرأة للعمل



زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل



دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل . انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟!!!!





شباب زمان وشباب دلوقتى فى المواصلات العامة





زمان كان الشاب وهو قاعد على الكرسي فى اوتوبيس مثلا يفضل يدور على راجل كبير فى السن او سيدة مسنة او انسة ليجلسها مكانه ويقف هو ويقول لهم بكل احترام تفضل يا والدى او يا امى


وكان على يقين بانه عندما يفعل ذلك عندما يكبر فى السن سيجد من يعامله نفس المعاملة او يطمئن انه لو والدته فى نفس الموقف سيكون هناك من يجلسها


أما الشاب الان يرى الرجل او السيدة المسنة واقفا بجواره وهو متيس على الكرسي مش راضي يقوم
وعندما حد يكلمه كى يجلسها مكانه ايييييييييييييه يااااااااعم وانت ماااااااااالك انت انا دافع تذكرة زيي زيك بمنتهى قلة الادب


كنت مرة فى مواصلة الاتوبيس وللأسف كانت الرحلة طويلة جدا تزيد عن الساعتين علاوة على الطريق الواقف دائما بخلاف المرور ((فى مصر))


وكنا فى رمضان والجو حار جدا واقتربنا من وقت الافطار وكنت جالسة على الكرسي وبجانبي شاب فنظرت جانبي وجدت سيدة عجوز واخرى حامل وعلى يدها طفل صغير


إحترت ايهما يجلس والاثنان حقيقة من حقهما الجلوس فقمت وطلبت من السيدة العجوز ان تجلس مكانى رفضت فى البداية ولكننى اصررت ثم وقفت بجانب الكرسي اتأمل هذا الشاب الذى يرى السيدة ولا يريد ان يجلسها فأخذت عنها الطفل وظللت اداعبه ونحن واقفتين وهو جالس ولكن كان واضح عليها إجهاد الحمل وأحسست إنها لو لم تجلس ستسقط مغشيا عليها


فطلبت بكل احترام من الاخ الجالس ان يقوم للسيدة فهى متعبة اولا لم يرد على وعمل نفسه مسمعش
تعمدت ان أطلب منه ثانية فقلت له معذرة انهض فالسيدة متعبة فقال لى((ما الدنيا حر وصيام وكلنا تعبانين ))


فلم اجد شيئا اقوله له من شدة الصدمة


وفعل مالم يكن بالحسبان وكانت تلك القشة التى قسمت ظهر البعير فأكثر من ساعتين واقفين على ارجلنا وهو بمنتهى قلة الادب والذوق والاحترام والحياء يخرج من جيبه علبة سجائر ويشربها دون ان ادرى وجدت نفسي اصيح فى وجهه واقول له هودة الصيام وإذا بي اصيح واقول له قم من مكانك والاتوبيس كله يشاهدنى و((الرجالة))طلبت منه القيام بهدوء بدلا من الضرب


وأجلست السيدة

منقول
الرجوع الى أعلى الصفحة اذهب الى الأسفل
anozae
نصراوى برونزى
نصراوى برونزى
avatar

عدد الرسائل : 514
العمر : 62
الموقع : http://www.perfspot.com/groups/glorioushome
رقم العضوية : 182
نشاط العضو :
100 / 100100 / 100

الدولة : لاتطلب الكمال و لا تطلب المحال وبقاء الحال من المحال
السٌّمعَة : 9
نقاط : 749
تاريخ التسجيل : 11/02/2009

مُساهمةموضوع: رد: الفرق بين شباب زمان وشباب دلوقتى    الأربعاء 12 يناير - 15:09:40

[
size=24]شباب زمان هو عصير الرمان اللى في الموضوع اللى بعده وشباب اليوم هو قشر الرمان اللى اتعصر ملهوش لازمه خلاص[/size]
الرجوع الى أعلى الصفحة اذهب الى الأسفل
Mr:MeMo
المدير الفنى (مؤسس المنتدى)
المدير الفنى (مؤسس المنتدى)


عدد الرسائل : 1464
العمر : 27
رقم العضوية : 2
نشاط العضو :
100 / 100100 / 100

الدولة :
السٌّمعَة : 21
نقاط : 2204
تاريخ التسجيل : 01/09/2007

مُساهمةموضوع: رد: الفرق بين شباب زمان وشباب دلوقتى    الأربعاء 12 يناير - 17:56:42

هههههههههههه
موضوع رائع يا رورا
تسلم ايديك
بس برده مهما مر العمر والزمن الاب والام لهم كل الاحترام
الرجوع الى أعلى الصفحة اذهب الى الأسفل
Mahmoud HoTa
نصراوى مشارك
نصراوى مشارك
avatar

عدد الرسائل : 81
العمر : 24
الموقع : My Second HoMe..Elnasr Club
نشاط العضو :
0 / 1000 / 100

الدولة : ام الدنيا
السٌّمعَة : 3
نقاط : 139
تاريخ التسجيل : 25/02/2010

مُساهمةموضوع: رد: الفرق بين شباب زمان وشباب دلوقتى    الأربعاء 12 يناير - 23:36:49

ههههههههههههههههههه

موضوع رائع وجميييل

peace
Laughing
الرجوع الى أعلى الصفحة اذهب الى الأسفل
mona kabara
رئيس التحرير
رئيس التحرير
avatar

عدد الرسائل : 3619
العمر : 102
رقم العضوية : 40
نشاط العضو :
100 / 100100 / 100

الدولة :
السٌّمعَة : 38
نقاط : 4053
تاريخ التسجيل : 08/03/2008

مُساهمةموضوع: رد: الفرق بين شباب زمان وشباب دلوقتى    الإثنين 17 يناير - 20:07:43

مانقدرش ننكر إن جزء كبير من الحقيقة موجود بهذا الكلام
وأن هناك شباب بهذا المستوى الأخلاقي المنحدر

لكن مازال فيه شباب وشابات الحمدلله على مستوى عالي
من الرقي الأخلاقي
وده بيرجع للبيت نفسه وأسلوب التربية
بالتربية الجيدة نلاقي أولادنا في المستقبل ..ونفتخر بأخلاقهم وحسن تربيتهم


شكراً يارورا على الموضوع الهام
وهو جرس تنبيه للآباء والأمهات وعدم التهاون في تربية أولادهم
والحزم والشدة مطلوبة وقت اللزوم
حتى لا نتحسر ونندم وقت لا ينفع الندم


مع تحياتي وعظيم تقديرى على إختياراتك

_________________





[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
سلوى
نصراوى فعال
نصراوى فعال


عدد الرسائل : 113
العمر : 42
نشاط العضو :
0 / 1000 / 100

الدولة :
السٌّمعَة : 4
نقاط : 166
تاريخ التسجيل : 19/08/2010

مُساهمةموضوع: رد: الفرق بين شباب زمان وشباب دلوقتى    الإثنين 17 يناير - 22:52:29

والله موضوع فى منتهى الجمال وفيها من الحقيقة الكثير والله يرحم الاخلاق بذات بين الشباب الا من رحمة ربى واكبر مثل يضرب انظرى الى بعض اخلاق شباب النادى وانظرى الى امثال الشاب ميمو فعلا سماهم على وجوههم و فعلا كل هذا يرجع الى البيت قبل اى شيىء لو الاب والام ربو ابنائهم على الاحترام ما كنا شوفنا اى انحرافات اخلاقية والحمد لله على كل شيىء
الرجوع الى أعلى الصفحة اذهب الى الأسفل
علاءنجم
نصراوى مشارك
نصراوى مشارك
avatar

عدد الرسائل : 85
العمر : 55
نشاط العضو :
0 / 1000 / 100

الدولة : حبيبتي مصر
السٌّمعَة : 4
نقاط : 170
تاريخ التسجيل : 21/02/2010

مُساهمةموضوع: رد: الفرق بين شباب زمان وشباب دلوقتى    الأربعاء 19 يناير - 22:59:35

موضوع رائع يا رورا ..تابعته باهتمام وشغف رغم ما يحمل من معاني وحقائق ونمازج واساليب موسفة يتبعها الشباب .. الا انني بالفعل قد استمتعت به .. لانه يمثل واقع مرير قد وصلنا اليه في زمن الفوضي واللامبالة في كل شئ وفي كل مجال.. تحياتي اختي الغالية رورا . . اسعدك الله ووفقك الي امدادنا بالموضوعات الهادفة والتي تعبر عن واقعنا .. علها تكون جرس انزار ينبهنا الي ما وصلنا اليه من سلبية ولا مبالاة .. مرة اخري اشكرك رورا .
الرجوع الى أعلى الصفحة اذهب الى الأسفل
 
الفرق بين شباب زمان وشباب دلوقتى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ElnasrClubForum :: المنتديات الثقافية والاجتماعية :: ¬°•|المنتدي العام |•°¬-
انتقل الى: