احدث ما كتب احمد فؤاد نجم

أحدث ما كتب الشاعر أحمد فؤاد نجم قصيدة : راجل ابن راجل














الجحش قال للحمار *** يابا اديني الحنطور

ياباإنت سنّك كبر *** و وَجَب عليّا الدور

كَـحّ الحمار كَـحة *** فزعِت لها الركاب

مش يابني بالصحة *** ده كل شئ بحساب

و سواقة الحنطور *** محتاجة حدّ حكيم

و إنت عينيك فارغة *** همّك على البرسيم

قوللي تسوق إزاي *** و التبن مالي عينيك

ده حتى حبل اللجام *** واسع يا إبني عليك

إعقل و بطّل طمع *** لا تسخّن الركاب

ماتجيش يا واد جنبهم *** لا تبقى ليلة هباب

دول صنف ناس جبّار *** قادر مالوهش أمان

يبان عليهم وَهَن *** لكنهم فرسان

يابا دا نومهم تِقِل *** و بقالُه يابا سنين

كل البشر صحصحوا *** و لسه دول نايمين

يا جحش بطّل هبل *** و بلاش تعيش مغرور

رُكابنا مش أغبيا *** ولا عضمهم مكسور

بُكرة حيصحولك *** و يزلزلوا الحنطور

و تلاقي في قفاك *** تمانين خازوق محشور


[b]

الله على الجمال والكلمات

التى تدل على حالنا وحال الدول العربية كلها

اللهم أجعل بلدنا سخاءً رخاءً ونجنا من العذاب



شكرا أخونا الغالى الباش مهندس هانى

ونتمنى منك المزيد

جميل جدا بجد الحمد لله اللى احنا صحينا بس بعد وقت بعيد شويا

نورت المنتدى والنادى يا باشمهندس

eng. hany shoman كتب:

أحدث ما كتب الشاعر أحمد فؤاد نجم قصيدة : راجل ابن راجل














الجحش قال للحمار *** يابا اديني الحنطور

ياباإنت سنّك كبر *** و وَجَب عليّا الدور

كَـحّ الحمار كَـحة *** فزعِت لها الركاب

مش يابني بالصحة *** ده كل شئ بحساب

و سواقة الحنطور *** محتاجة حدّ حكيم

و إنت عينيك فارغة *** همّك على البرسيم

قوللي تسوق إزاي *** و التبن مالي عينيك

ده حتى حبل اللجام *** واسع يا إبني عليك

إعقل و بطّل طمع *** لا تسخّن الركاب

ماتجيش يا واد جنبهم *** لا تبقى ليلة هباب

دول صنف ناس جبّار *** قادر مالوهش أمان

يبان عليهم وَهَن *** لكنهم فرسان

يابا دا نومهم تِقِل *** و بقالُه يابا سنين

كل البشر صحصحوا *** و لسه دول نايمين

يا جحش بطّل هبل *** و بلاش تعيش مغرور

رُكابنا مش أغبيا *** ولا عضمهم مكسور

بُكرة حيصحولك *** و يزلزلوا الحنطور

و تلاقي في قفاك *** تمانين خازوق محشور


[b]

اسمحوا لى ان اتواصل

ركبانا شعب بطل قوى عظيم و جسور
مهما طول ظلامهم هاتظر طاقة نور
مش جحش احمق سفيه يعمل حواليهم سور
احنا عملنا علامه خلت كل الشعوب هاتثور
مبروك عليك يا مصرى ودايما كده منصور


شكرا على اضافتك لهذا الموضوع يا هندسه و فى انتظار جديدك

تحياتى و جم تقديرى